Бразилиянын президенти атактуу футболчуларды улуттук курамадан кетирүү керектигин айтты

Бразилиянын президенти Луис Инасио Лула да Силва футбол боюнча улуттук курама командадан Винисиус Жуниор, Эндрик, Родриго сыяктуу Европада ойногон оюнчуларды улуттук курамадан кетирүү керектигин айтты. Бул тууралуу чет элдик спорттук басылмалар жазышты.

Ал футбол боюнча Бразилия улуттук курама командасы жалаң гана Бразилиянын ички чемпиондугунда ойногон футболчулардан куралышы керектигин баса белгилеген.

"Чет өлкөдө ойногондор бул жакта ойногондордон артык эмес. Мен көптөн бери Бразилияда ойногондорду улуттук курамага чакырыш керек деп айтып келем. Чет өлкөдөн келген оюнчуларга эмес, өзүбүзүн чемпиондукта ойногондорго мүмкүнчүлүк беришибиз керек. Бул жерде жаш оюнчулар бар, бирок жылдыздар жок", - деген Бразилиянын президенти.

Президент бразилиялыктар 2:1 эсебинде араң утуп алган Чили менен болгон беттеште дарбазачы Эдерсонду, коргоочу Маркиньосту, ошондой Родриго менен Рафиньяны чач жасалгасынан тааныганын кошумчалады.

"Мен калганын тааныган жокмун, андай болбошу керек", - деген Лула да Силва.