Бразилиянын президенти Орусияга БРИКС саммитине бара албай турганын билдирди

Бразилиянын президенти Лула да Силва ваннадан кулап кеткендиктен Орусияга БРИКСтин саммитине барбай турганы белгилүү болгон. Бул тууралуу чет элдик басылмалар жазышууда.

ЖМКлардын маалыматына караганда, 19-октябрдын кечинде Лула да Силва өзүнүн резиденциясынын Альворада сарайында ваннада жыгылып, борбордогу Сирио - Либанес ооруканасына жаткырылган.

Дарыгерлер 78 жаштагы президенттин моюнунан жаракат алганын айтышкан. Ошондой эле анын мээсинин жеңил чайкалышынын белгилери бар экендиги да белгилүү болгон. Дарыгерлер ага Орусияга барбоо сунушун айтышкан.

Лула да Силва 20-октябрда Бразилиядан Орусияга учуп, 24-октябрга чейин ал жакта болушу керек болчу. 20-октябрдын кечинде президенттин басма сөз кызматы Лула да Силванын Орусияга сапары дарыгерлердин чечими менен авиакаттамдан баш тартууну сунуштаганын билдирди. Саясатчы БРИКСтин саммитине видеобайланыш аркылуу катышат. Саммит 22-24-октябрда Казанда өтөт.