"Апасы оорукчан". Депутат Айдаралиев Орусиянын абагында 12 жылдан бери күнөөсүз отурган миргант бар экенин айтты

Орусиянын абагында кыргызстандык мигрант 12 жылдан бери күнөөсүз отурат. Бул тууралуу бүгүн, 24-октябрдагы Жогорку Кеңештин жыйынында депутат Эрнис Айдаралиев билдирди.

"Ал жараныбызды "баңгизат менен алектенет" деген негизде "кутум" кылып кармашкан. Биринчиден, ал кармалганда өтө эле жаш болчу. Экинчиден, орус тилин билчү эмес экен. Тилди билбей барып, тузакка түшүп калды да. Бир кылмыш иши козголбостон 12 жылдан бери отурат. Туугандары прокуратура органдарына кайрылышкан, бирок эч кандай жооп болбоптур. Мына ушундай жарандарыбызга көмөк көрсөтүшүбүз керек. Апасы оорукчан экен. Жигиттин абалы өтө оор. Өлкөгө кайтаруубуз керек", - деди Айдаралиев.

Эл өкүлү тийиштүү органдарга аны өлкөгө кайтаруу маселесин караштырууну тапшырды.