Челябинскиде менчик аскердик компаниянын мурдагы жоокери жок кылынды

Окуя Танкограддын баатырлары көчөсүндөгү көп кабатуу имаратта болгон

Челябинскиде орус гвардиясынын офицерлери өтүп бара жаткандарга бычак менен кол салмакчы болгон кишини атып өлтүрүшкөн. Жергиликтүү басылмалардын маалыматына караганда, окуя 26-октябрда Тракторозаводский районунда болуп, тургундар полицияга жарым жылаңач агрессивдүү киши адамдарды коркутуп жатканы тууралуу билдиришкен.

"Адегенде жерине патрулдук милиция кызматкерлери барышкан, бирок кол салган адам батирлердин бирине жашынууга үлгүргөн", - деп билдирет жергиликтүү 74.ru басылмасы.

Кийин окуя болгон жерге Орусиянын Улуттук гвардиясынын кызматкерлери келишкен. Алар адамды кармоого аракет кылышканда, ал бычак менен каршылык көрсөткөн.

Маалыматтарга караганда, коопсуздук күчтөрү эскертүү иретинде асманга ок чыгарган, бирок бул агрессорду токтоткон эмес, натыйжада ал атып өлтүрүлгөн.

Басылманын булактары өлтүрүлгөн адам мурда кайсы бир жеке аскердик компанияда кызмат өтөгөн (бир катар ЖМКлар сөз "Вагнер" менчик аскердик компаниясынын жөнүндө болуп жатат деп болжолдошууда), ошондой эле баңгизатын колдонгон жана денеге оор залал келтиргендиги үчүн соттолгон деп ырасташат.