Айсулуу Мамашова: "Ысык-Көлдө тургун селден жабыркаган үйүнө компенсация ала элек"

Жогорку Кеңештин бүгүн, 31-октябрдагы жыйынында депутат Айсулуу Мамашова Ысык-Көл облусундагы Корумду айылынын тургуну селден жабыркаган турак жайы үчүн өкмөттөн компенсация ала электигин айтты.

Ал билдиргендей, Ысык-Көл облусунун бир катар айылдарында ушул жылдын 17-августунда сел жүргөн.

"Мага Корумду айылынын тургуну кайрылды. Тилекке каршы, селден 1-2-категорияда жабыркаган үйлөргө компенсациялар бериле элек экен. 3-категориядагылар алышыптыр. Бул туура эмес. Мына суук боло баштады. Бул маселе абдан маанилүү", - деп өкмөттүн парламенттеги өкүлү Алмазбек Абытовго кайрылды.