Бишкекте 10 күн мурун дайынсыз жоголгон жаран Чоң Чүй каналынан изделүүдө

Бишкекти аралап өткөн Чоң Чүй каналынан 59 жаштагы адам изделүүдө. Бул тууралуу бүгүн, 1-ноябрда Өзгөчө кырдаалдар министрлигинен билдирди.

Маалыматка ылайык, Бишкектеги Свердлов районунда 20-октябрда 59 жаштагы М.А. аттуу жаран үйүнөн чыгып кеткен бойдон кайрылып келген эмес.

31-октябрда дайынсыз болгон жарандын кызынын кайрылуусунун негизинде жеринде издөө иши башталып, ӨКМдин 7 куткаруучусу тартылган.

Дайынсыз болгон жарандын уюлдук телефону Чоң Чүй каналы жактан өчүп калгандыгы аныкталгандыгын жакындары билдирген. Ага ылайык, сууда кайык менен издөө иштери жүрүүдө.