Ош шаарында жаңы таштанды полигондун курулушу башталды (видео)

Ош шаарында эски таштанды полигонун калыбына келтирүү жана жаңы полигонду куруу иштери башталды. Бул туурасында кечээ, 5-ноябрда мэриянын маалымат кызматы билдирди.

Маалымдалгандай, долбоор менен жеринде калаа башчысы Бакытбек Жетигенов таанышып кайтты.

Шаар башчысы мында жүргүзүлүп жаткан иштердин шаар үчүн маанилүү экенин белгилеп, курула баштаган жаңы санитардык полигон бардык зарыл болгон эл аралык талаптарга жооп берерин билдирди.

Кошумчалангандай, полигонду куруу иштери Европа реконструкциялоо жана өнүктүрүү банкынын (ЕРӨБ) ) жана Европа Союзунун (ЕС) колдоосу менен «Ош шаарында таштандыларды чогултуу жана иргөө системасын жакшыртуу» долбоорунун алкагында ишке ашырылууда.