Эртең Бишкекте тайбокс боюнча Кыргызстандын чемпиондугу башталат

Бишкекте тайбокс боюнча Кыргызстандын чемпионаты өтөт. Бул тууралуу бүгүн, 9-ноябрда Дене тарбия жана спорт департаментинен билдиришти.

Маалым болгондой, мелдеш 10-11-ноябрь күнү Газпром спорт комплексинде болот.

Ага республиканын бардык аймактарынан келген спортчулар катышат.

Мушкерлер төмөнкү салмак категорияларында күч сынашат:

- Эркектер: 51, 54, 57, 60, 63.5, 67, 71, 75, 81, 86, 91, +91 килограмм салмакта;

- Кыз-келиндер: 48, 52, 56, 60, 65 килограммга чейинки салмакта.

Финалдык беттештер 11-ноябрда башталат.

"Чемпиондук Спорттун олимпиадалык эмес түрлөрү боюнча дирекциясы жана тайбокс федерациясы тарабынан уюштурулууда", - деп айтылат маалыматта.