"Кудайдын буйругу менен дагы бир жолу ата-эне атандык". Мирзат Муканов менен Айзуура Иманалиева кыздуу болушту (видео)

Диктор Мирзат Муканов менен Айзуура Иманалиева кыздуу болушту. Бул тууралуу Айзуура Инстаграм баракчасына гендер-патидеги видеосун жүктөп сүйүнчүлөдү.

Анын айтымында, уулу Мырза менен кызы Мелек алардын гендер-пати кылуусун суранышкан.

"Сүйүнчү, туугандар! Кудайдын буйругу менен дагы бир жолу ата-эне атандык. Сиздер жана Мелек менен Мырза күткөн гендер-пати.

Биз мунусу жок эле билип алчубуз да. Балдар чоңоюп суранып баштаган соң макул болдук. Бирок шар жарып, кыйкырып, ыйлабай эле коёлу дедик. Кыргызча бир нерсе кылгым келди. Дагы башкача ойлонуп жаттым эле, тогузунчу ай болуп кетти.

Эмнеси болсо да кызым азыр кучагымда. Мага ошол маанилүү", - деп видеонун астына билдирүү калтырган.