Жейк Пол калыстардын чечими менен Майк Тайсонду жеңди (видео)

Блогер Жейк Пол бокс легендасы Майк Тайсонду жеңди. Бул туурасында чет элдик басылмалар жазышты.

Маалымдалгандай, АКШнын Техас штатындагы Арлингтон аймагында орун алган бокс боюнча мелдеште 58 жаштагы Майк Тайсон жеңилүү ызасын тартып калды.

Беттеш 8 раунддан туруп, ар бирине эки мүнөттөн убакыт берилген. Калыстар өз чечимин чыгарып 27 жаштагы видеоблогерди жеңүүчү деп аташкан.

Белгилейк кетсек, бул беттеш Майк Тайсон акыркы 20 жыл аралыгында расмий биринчи беттеши. Ал жалпы 59 бокс боюнча беттеш өткөрүп, 50 жолу жеңүүчү аталган. Ал эми боксчу жети жолу жеңилген болсо, эки беттеш болбой калган.

Жейк Пол болсо 12 ирет бокс боюнча беттешке чыгып, бир жолу жеңилүү ырасын тарткан.