Абдулла Арипов кайрадан Өзбекстандын премьер-министри болду

Шавкат Мирзиёев ар тараптуу талдоодон кийин Өзбекстандын премьер-министрлик кызматына Абдулла Ариповдун талапкерлигин көрсөтүү чечимин кабыл алганын билдирди. Бул тууралуу өзбек басылмалары жазышууда.

Ага ылайык, мыйзам чыгаруу палатасы президенттин бул чечимин колдоп, жактырды.

Абдулла Арипов 2016-жылдан бери Өзбекстандын өкмөтүн жетектеп келген. Ошондой эле анда ар кандай мамлекеттик органдарда иштеген тажрыйбасы бар.

Эске сала кетсек, кечээ, 19-ноябрда Өзбекстандын өкмөтү отставкага кеткен болчу. Олий Мажлистин (парламент) депутаттарын шайлоодон кийин өкмөт, анын ичинде премьер-министр жана министрлер жаңы шайланган парламентке болгон ыйгарым укуктарын тапшырат. Бул мыйзам чыгаруу бийлиги жаңылангандан кийин аткаруу бийлигин кайра баштоого багытталган стандарттуу процедура.