Эми мамлекеттик ооруканалардын жетекчилерине жеке клиникаларда иштөөгө тыюу салынышы мүмкүн

Бүгүн, 16-декабрдагы Жогорку Кеңештин Социалдык саясат боюнча комитетинин жыйынында мамлекеттик ооруканалардын жетекчилерин жеке клиникаларда бир убакта жумушка орноштурууга тыюу салган мыйзам долбоору үчүнчү окууда жактырылды.

Мыйзам долбоорун депутаттар Айсулуу Мамашова, Нилуфар Алимжанова, Аида Исатбек кызы, Бахридин Шабазов демилгелеген.

Документтин максаты жана милдети – саламаттыкты сактоо жаатындагы өсүп жаткан чакырыктарга жана Кыргызстандын жарандарына ишенимдүү жана сапаттуу медициналык жардамды камсыз кылуу зарылдыгына байланыштуу колдонуудагы мыйзамдарга өзгөртүү киргизүү.