Акылбек Жапаровдун кызматтан бошотулушунун себеби айтылды

Министрлер кабинетинин төрагасы Акылбек Жапаров башка ишке өткөндүгүнө байланыштуу ээлеген кызмат ордунан бошотулду. Бул тууралуу бүгүн, 16-декабрда президенттин басма сөз кызматынан билдирди.

Маалымдалгандай, тиешелүү жарлыкка өлкө башчы Садыр Жапаров кол койду.

Буга чейин Акылбек Жапаровдун кызматын тапшыргандыгы айтылып, кесиптештери аны кол чабуулар менен узатып жаткандагы видео тараган.

Жапаров өкмөттү 2021-жылдын 13-октябрынан бери башкарып келген. Ал өлкө тарыхындагы эң узак мөөнөткө иштеген премьер-министрдин бири болуп калды.