Бишкектин инфраструктурасын өнүктүрүүгө салым кошкон жеке ишкерлер сыйланды

Бүгүн, 23-декабрда Бишкек шаарынын инфраструктурасын өнүктүрүүгө салымын кошкон ишкерлер менен мэриянын кызматкерлерине мамлекеттик сыйлыктар ыйгарылды. Бул тууралуу президенттин басма сөз кызматынан билдирди.

Маалымдалгандай, өлкө башчы Садыр Жапаров кол койгон жарлыкка ылайык төмөндөгүлөр сыйланды.

“Даңк” ордени менен:

• Адыл Эсеналиев – “Эталон Вин Спец Строй” жоопкерчилиги чектелген коомунун башкы директору;

“Даңк” медалы менен:

• Адилет Кененбаев – “Лидер хаус” курулуш компаниясынын башкы директору;

“Кыргыз Республикасынын эмгек сиңирген куруучусу” деген ардак наамы менен:

• Бактияр Жаманбаев – “Эталон Вин Спец Строй” ЖЧКнын директору;

Кыргыз Республикасынын "Ардак грамотасы" менен:

• Нургазы Асанбаев – “Лидер хаус” курулуш компаниясынын директорунун орун басары;
• Олег Вислевский – “Технотоп” ЖЧКнын директору;
• Эркинбек Эсеналиев – “Эталон Вин Спец Строй” ЖЧКнын прорабы;
• Мелисбек Жапаралиев – “Мостдорстрой” ЖЧКнын директору;
• Азамат Кадыров – Бишкек шаарынын мэринин орун басары;
• Жамалбек Ырсалиев – Бишкек шаарынын мэринин орун басарынын милдеттерин аткаруучу;
• Канат Шабданов – “ДорСтрой Групп” ЖЧКнын башкы директору.