Мээрим Төлөпберген Мирбек Атабеков белек кылган жаңы үйүнө көчүп кирди 

Блогер Мээрим Төлепберген ырчы Мирбек Атабеков белек кылган жаңы үйүнө көчүп барды. Бул тууралуу ал Инстаграм баракчасында бөлүштү.

Анда блогер айым үйгө жаңы көчүп келген видео менен бөлүшүп, Мирбек экөө баарын балдар үчүн жасап жаткандыктарын жазган.

"Биз көчүп келдик. Бул үйдү алуу үчүн эң башкы мотивация балдарым болду. Канчалаган энергия, убакыт, акча сарпталды. Бирок аябай көп тажрыйба алдым. Мунун баарын балдар үчүн Мирбек экөөбүз жасай алдык. Балдарыбызга татыктуу ата-эне болууга аракет кылабыз. Мирбек дагы жаңы үйлүү болду, аны дагы куттуктап койсоңуздар болот", - деп билдирүү калтырган.

Белгилей кетсек, буга чейин Мээрим Төлөпберген Бишкектен ак өргөөлүү болгонун айтып, ал үчүн ырчы Мирбек Атабековго ыраазычылыгын билдирген.