Бишкекте 14 жаштагы Ислам Мамырканов дайынсыз болууда

Бишкекте 14 жаштагы Ислам Мамырканов дайынсыз болуп изделип жатат. Бул тууралуу Свердлов райондук милициясы кабарлады.

Маалыматка ылайык, ал 28-декабрда 16:30 чамасында Аламүдүн 1 кичи районундагы үйүнөн чыгып кеткен боюнча кайтып барган эмес.

Белгилери: бою 160-165 сантиметр, чачы кара, кыска, арыкчырай дене түзүлүштө.

Кийген кийимдери: көк күрмө, боз спорттук шым, кара түстөгү бут кийим.

Ислам Мамырканов тууралуу кандайдыр бир маалымат билгендер болсо, төмөнкү номерлерге кайрылып койсо болот: 0 (708) 87-71-11, 0 (557) 11-94-10, 0 (703) 01-00-02 жана 102.