Бишкектин четиндеги жаңы стадион качан ачылары белгилүү болду

Министрлер кабинетинин төрагасы Адылбек Касымалиев Бишкек шаарына жакын жердеги футбол стадионунун курулушу менен таанышты. Бул тууралуу Министрлер кабинети маалымдады.

Адылбек Касымалиевге жүрүп жаткан курулуш иштери тууралуу айтып беришип, бардык процесстер өз убагында жүрүп жатканын белгилешкен.

Адылбек Касымалиев объектти курууда бардык сапат жана коопсуздук стандарттарын сактоонун, долбоордун өз убагында бүткөрүлүшүнүн маанилүүлүгүн белгилеп, стадион футбол командалары үчүн гана эмес, күйөрмандар үчүн да маанилүү объект болуп каларын кошумчалаган.

"Иш кадимкидей уланууда. Стадиондун курулушу экологиялык жана заманбап технологиялык стандарттарды эске алуу менен жүргүзүлүүдө.

Объект белгиленген мөөнөттө бүткөрүлүп, келерки жылы ишке кирүүсү күтүлүүдө", - деп жазылат билдирүүдө.

Мындан тышкары Министрлер кабинетинин башчысы жаңы "Ош базарынын" курулушунун жүрүшү менен таанышкан.