Транспорт министрлиги ашуулардагы абал боюнча маалымат берди

Бүгүн, 30-январга карата өлкөнүн ашууларында каттам бар, жолдор ачык. Бул туурасында Транспорт жана коммуникациялар министрлигинин маалымат кызматы билдирди.

Маалымдалгандай, “Кыргызавтожол-Түштүк” жана "Кыргызавтожол-Түндүк” мамлекеттик ишканалары тарабынан инерттик материалдарды чачуу, тазалоо иштери үзгүлтүксүз жүргүзүлүүдө. Жолчулар атайын кезметке туруп, өзгөчө тайгак тилкелерге күнү-түнү кум-туз аралашмасын себүү жумуштарын аткарып жатышканы кошумчаланган.

Министрлик айдоочуларды кандай кырдаал жаралбасын каршы тилкеге чыкпай, жол эрежесин так сактоо менен керектүү шаймандарды ала жүрүүгө чакырат.