Тоо иштери жана тоо технологиялары институтунун ректору болуп Акылбек Маралбаев дайындалды

Тоо иштери жана тоо технологиялары институтунун ректору болуп Акылбек Маралбаев дайындалды. Бул туурасында аталган окуу жайдын басма сөз кызматы бүгүн, 8-январда билдирди. 

Маалыматка караганда, ректорлук кызматка сынак 2013-жылдын 26-декабрында өткөрүлгөн.

Акылбек Маралбаев буга чейин бир катар жетекчилик кызматтарды аркалап келген.

2004-жылдан 2008-жылга чейин академик Ү.Асаналиев атындагы Тоо иштери жана технологиялар институтунун геологиялык чалгындоо факультетинин деканы;

2008-жылдан 2010-жылга чейин аталган институттун жетекчисинин окуу иштери боюнча орун басары; 

2010-жылдан баштап 2013-жылга чейин ушул эле институттун чалгындоо факультетинин деканы;

2013-жылы Мамлекеттик геология жана минералдык ресурстар агенттигинин жетекчисинин орун басары.