Сокулукта 59 жаштагы тургундун үйүнөн курал-жарак табылды

Сокулук районуна караштуу Асыл-Баш айылынын 59 жаштагы тургуну мыйзамсыз курал-жарак жүгүртүүгө шектелип кармалды. Бул тууралуу Чүй облустук ички иштер башкармалыгы билдирди.

Маалыматка ылайык, милицияга аталган жаран тууралуу маалымат түшөрү менен Кылмыш-жаза кодексинин 267-беренесинин (Куралды, ок-дарыларды мыйзамсыз жүгүртүү) негизинде кылмыш иши козголуп, анын үйү тинтүүгө алынган.

Тинтүүдө атайын коргоочу форма жана пластикалык каска, дүрбү, кош ооздуу курал, 28 калибрлүү 5 даана гильза,16 калибрлүү 15 гильза, 32 калибрлүү 2 патрон,16 калибрлүү 4 патрон, 5х6 калибрдеги 41 патрон табылган.

Учурда бардык зарыл болгон соттук-медициналык экспертизалар дайындалып, тергөө иштери уланууда.