Кайрымдуулукка аргымагын берген атанын аны менен коштошкон видеосу

Кыргызстанда акыркы бир жумадан бери СМА оорусуна чалдыккан бөбөктөргө активдүү каражат чогултуу болуп жатат. Айрымдары акчалай жардамдан тышкары унаа, мал жана башка колунан келген жардамдарын берүүдө.

Жалал-Абад облусунун Көк-Жаңгак шаарынын тургуну үч жылдан бери таптап келген аргымагын дал ушул бөбөктөргө берген. Анын аргымагы менен коштошкон видеосу интернет желесине тарап, көпчүлүктүн сезимин ойготту.

Интернет колдонуучулар кайра каражат чогултуп, аргымагын берген жаранга кайра аргымагын алып берүүнү сунушташууда.