Баткендеги аскер бөлүгүнүн айрым кызматкерлерине кылмыш иши козголду. Себеби

Баткен гарнизонунда жайгашкан аскер бөлүгү эт азыктарын толук албай, мамлекетке 2 миллиондон ашык зыян келтирилген. Бул туурасында Башкы прокуратурадан билдирди.

"Анда 2024-жылдын июнь айынан тартып 2025-жылдын февраль айына чейинки аралыкта аскер бөлүктүн өздүк курамы үчүн багытталган эт азыктары толук көлөмдө алынып келбестен, бир бөлүгү акчалай түрдө системдүү түрдө алып жүрүшкөндүгү аныкталып, мамлекеттик бюджетке 2 миллион 500 миң сом материалдык зыян келтирилген", - деп айтылат маалыматта.

Бул факты боюнча Коргоо министрлигине караштуу Баткен гарнизонунда жайгашкан аскер бөлүгүнүн жооптуу кызмат адамдарына Кылмыш-жаза кодексинин 210-беренеси (Ишенип берилген мүлктү кызматтык милдеттерин аткарууга байланыштуу кызмат адам тарабынан өзгөчө ири өлчөмдө ыйгарып алуу же коротуу) менен кылмыш иши козголгон.

Учурда тергөө амалдары жүргүзүлүүдө.