ЖАМКтын Кайтаруу жана конвой департаментине жаңы жетекчи дайындалды

Жазаларды аткаруу мамлекеттик кызматынын Кайтаруу жана конвой департаментинин башчысы болуп Курманбек Сокеев дайындалды. Бул жөнүндө мекеменин басма сөз кызматы билдирди.

Анда айтылгандай, жаңы жетекчини эмгек жамаатка Жазаларды аткаруу мамлекеттик кызматынын төрагасы Чыңгыз Кожошев тааныштырды.

Сокеев Куралдуу күчтөрүнүн катарында 1993-жылдан бери кызмат өтөп келе жатат. Кызмат жолунда ИИМдин Ички аскерлеринин, Кайтаруу жана конвой департаментинин бардык өзүнчө жайгашкан бөлүкчөлөрүндө катардагы кызматкерден тартып жогорку кызмат ордуна чейинки тепкичтерди басып өттү.