Казакстанда таштанды чогулткан 3 жаштагы бөбөк президенттен сыйлык алды 

Казакстандын Атырау облусунда Орозо айт майрамы учурунда жерге ыргытылган таштандыларды чогултуп жаткан 3 жашар баланын видеосу социалдык тармактарга тараган.

Аталган видеону Казакстандын президенти Касым-Жоомарт Токаев көргөндөн кийин ага белектерди жана ыраазычылык кат жөнөткөн.

Облустун акими Серик Шапкенов үч жаштагы бала жана анын ата-энеси менен жолугуп, ага белектерин жана президенттин атынан жазылган ыраазычылык катты тапшырган.