Ошто да аттракциондор текшерилип жатат

Ош шаарында аттракциондордун коопсуздугу текшерилүүдө. Бул тууралуу калаа мэриясынын маалымат борбору кабарлады.

Ага ылайык, иш-чара тиешелүү кызматтардан түзүлгөн жумушчу топ тарабынан жүргүлүүдө. Анда балдарга арналган оюн-зоок аянтчаларынын коопсуздугу боюнча текшерүүлөр жүрүп жатат.

Текшерүүнүн жүрүшүндө санитардык-гигиеналык абал, өрт жана техникалык коопсуздук талаптарынын сакталышы тыкыр каралууда.