Бишкекте “Ош базарынын” айланасын тартипке келтирүү боюнча рейд жүрүүдө

Борбор шаардагы “Ош базарынын” айланасындагы баш аламан соода орундарын тартипке салуу үчүн рейд жүрүүдө. Текшерүүнү Ленин райондук акимчилиги укук коргоо органдары менен бирге жүргүзүп жатканын мэрия кабарлады. Базарда уруксатсыз соода кылуу жана санитардык талаптарды сактабай тамак-аш даярдоо фактылары аныкталып, ээлерине эскертүүлөр берилди. Базардагы баш аламандыкты аталган райондун акими өзү барып көрдү.