“Мамлекеттик социалдык камсыздандыруу жөнүндө” мыйзамга толуктоо кирди

Бүгүн, 11-январда президент Алмазбек Атамбаев “Мамлекеттик социалдык камсыздандыруу жөнүндө” КРнын мыйзамына толуктоо киргизүү тууралуу” мыйзамга кол койду.

Мыйзам Жогорку Кеңеш тарабынан 2013-жылдын 5-декабрында кабыл алынган болчу.

“Мамлекеттик социалдык камсыздандыруу жөнүндө” мыйзамдын 24-беренесине толуктоо киргизилди, ага ылайык камсыздандыруу салымдарын эсептөөнүн жана төлөөнүн бирдиктүү механизми КРнын Өкмөтү тарабынан белгиленет.

Мыйзам расмий жарыяланган күндөн тартып күчүнө кирет.