Ош шаарына орнотулуучу гүл саатка акча жетпей жатат

Ош шаарындагы Султан Ибраимов атындагы Ош улуттук драма театрынын алдына орнотулуучу гүл саатка акча жетишпей иш токтоп  турат. Бул тууралуу 11-январда мэриянын жаштар иштери боюнча комитетинин төрагасы Сонунбек Жунусбаев билдирди.

"2013-жылдын күз айларында Ош шаарына гүл саат орнотуу демилгеси көтөрүлгөн. Уюштуруучулардын айтымында, сааттын наркы 640 миң сомго бааланган. 400 миң сом демөөрчүлөр берип, саатты жасатуу үчүн Санкт-Петербург шаарындагы завод менен сүйлөшүүлөр жүргүзүлгөн. Саатты орнотуу үчүн калаада атайын марафон да уюштурулду. Бирок бүгүнкү күнгө чейин каражаттын жетишсиздигинен орнотуу иши баштала элек",- деди Жунусбаев.