Бишкекте 31-майда №1 автобустун каттамы өзгөрөт

31-майда Бишкектеги Турдакун Усубалиев атындагы аянтта "SHORO TAYKŪLŪK KIDS RUN" масштабдуу балдар жарышы өтөт. Буга байланыштуу бул күнү саат 07:00дөн 21:00гө чейин №1 жарым экспресс-автобусунун каттамы өзгөрөт.

Калаа мэриясы билдиргендей, иш-чарага 2 жаштан 16 жашка чейинки балдар катышат. Жарыштын маршруту Абдумомунов көчөсү менен өтөт.

Ал эми көрүүчүлөр жана коноктор үчүн фуд-корт, оюн аянтчалары, сахна, улуттук кийимдеги аниматорлор менен старт шаарчасы уюштурулат. Ошондой эле майрамдык программа пландаштырылган.