Өзгөндө 6 жылдан бери күйөөсүнөн кордук көрүп келген аял үн катты (видео)

Өзгөндө 6 жылдан бери күйөөсүнөн кордук көрүп келген аял үн катты. Социалдык тармактарга анын видеосу тарады.

"Күйөөм менен жашаганыма 6 жыл болду, 6 жылдан бери кордук көрүп келе жатам. Уруштун баары майда-чүйдө нерселерден чыгат. Минтип көк ала кылып салды, мурдум сынган, башымды көтөрсөм ооруйт. Ата-энем жок, өтүп кеткен. Бир эле иним бар, ага да көп айта бербейм. Бара турган жерим жок, батирде жашайм. Батирден да чыгарышат жакында. 2 балам бар, кыргыз элимден жардам сурайм", - деди ал.

Буга чейин Ош облустук ички иштер башкармалыгы Өзгөн районунда күйөөсү тарабынан ур-токмокко алынган келинге коргоо ордери берилгенин маалымдаган.