Microsoft компаниясы 300дөн ашуун кызматкерин иштен кетирди

Америкалык Microsoft компаниясы кызматкерлерин кыскартууну улантып, дагы 300дөн ашуун адамды иштен кетирди. Бул тууралуу чет элдик басылмалар жазышууда.

Май айында CNBC телеканалы Microsoft дүйнө жүзү боюнча кызматкерлеринин 3 пайызын кыскарта турганын кабарлаган. Бул 2023-жылдан берки эң ири кыскартуу. Июнь айына карата Microsoft дүйнө жүзүндө 228 миң кызматкерге ээ болчу.

Компания өкүлүнүн айтымында, мындай өзгөрүүлөр - компаниянын рынокто ийгиликтүү болушу үчүн зарыл. Бул жаңы кыскартуулар январдагы "эффективдүүлүктү жогорулатуу" максатындагы кыскартуулар менен байланыштуу эмес. Негизги себептердин бири - башкаруучулардын санын кыскартуу болуп саналат.

Маалымат үчүн: Microsoft - дүйнөгө белгилүү технологиялык компания. Ал 1975-жылы Билл Гейтс менен Пол Аллен тарабынан негизделип, Windows операциондук тутуму менен дүйнөгө таанылган. Компаниянын баш кеңсеси АКШнын Вашингтон штатынын Редмонд шаарында жайгашкан.