Италияда Этна вулканы атылууда (видео)

Италияда Европадагы эң бийик активдүү жанар тоо болуп эсептелген Этна жанар тоосу атылууда. Бул тууралуу чет элдик басылмалар жазышууда.

Маалыматка караганда, Сицилияда жайгашкан Этна жанар тоосу кайрадан активдешип, кратеринен бир нече чакырымга чейин көтөрүлгөн калың күл булуту чыгууда. Азырынча жанар тоонун атылуусу калктуу конуштарга түздөн-түз коркунуч жаратпайт, бирок анын айланасында асмандан күл жааганы кабарланууда.

Учурда вулкандын активдүүлүгү мындан да күчөшү мүмкүн деп күтүлүүдө. Жергиликтүү бийлик кырдаалды көзөмөлдөп жатат жана тургундарды сак болууга чакырууда.