Футбол: БАЭ менен Кыргызстандын беттеши тең чыгуу менен аяктады (видео)

Бишкектеги Кыргызстан менен Бириккен Араб Эмираттары курама командаларынын беттеши тең чыгуу менен аяктады.

Алгачкы тайм Бириккен Араб Эмираттары курамасынын пайдасына аяктаса, экинчи таймда Кыргыз улуттук курамасынын оюнчусу Кай Мерк акыркы мүнөттө эсепти теңөөгө жетишти. Муну менен беттеш 1:1 менен аяктады.

Оюндун жыйынтыгы менен БАЭ 15 упай топтоп, Дүйнө чемпиондугунун IV туруна жолдомо алса, Кыргызстан 8 упай менен оюндан четтетилди. Бирок 2027-жылы болуучу Азия Кубогуна катышат.

Оюнду Кувейттен келген калыстар тобу тейледи. Беттеш калаадагы Дөлөн Өмүрзаков атындагы стадиондо өттү.

Белгилей кетсек, оюн 2026-жылкы Дүйнө чемпиондугунун III тандоо этабынын алкагында өткөрүлдү.