Өткөн жылы Кыргызстан Орусия, Казакстан жана Тажикстан менен биргеликте 133 килограмм баңгизатын тапкан

2013-жылы Кыргызстан Орусия, Казакстан жана Тажикстан мамлекеттери биргеликте 133 килограмм баңгизат ташыгандарды кармаган. Бул тууралуу 13-январда КРнын Өкмөтүнө караштуу Мамлекеттик баңгизатын көзөмөлдөө кызматынын басма сөз кызматы билдирди. Өткөн жыл ичинде аталган кызматтын бөлүмдөрү Орусиянын Федералдык баңгизаттарын көзөмөлдөө кызматы, Казакстан ИИМинин баңги ишкерлигине каршы күрөшүү комитети жана Тажикстандын Президентке караштуу баңгизаттарын көзөмөлдөө агенттиги менен биргеликте жүргүзгөн ыкчам иштердин натыйжасында мыйзамсыз жүгүртүүдөгү 133 килограмм баңгизаты, анын ичинде 59 килограмм героин жана 74 килограмм гашиш алынган.