Кыргызгидромет аба ырайы тууралуу билдирүү таратты

Өлкөдө 3-5-июль күндөрү абанын температурасы акырындык менен жогорулашы күтүлөт. Бул тууралуу бүгүн, 1-июлда Кыргызгидромет кызматы билдирүү таратты.

Анда айтылгандай, абанын күндүзгү температурасы Чүй өрөөнүндө 35-40 градуска, Ош, Жалал-Абад, Баткен облустарынын өрөөндөрүндө 36-41 градуска чейин, Талас облусунда 33-38 градуска чейин жогорулашы мүмкүн.

Мындай аба ырайында ысык өткөрүп алуудан сактануу үчүн күндүз күн ачык жерлерде көпкө жүрбөө сунушталат.