Эл аралык байланыш оператору “ЭлКат” ЖЧКсы мамлекеттин менчигине өттү

Эл аралык байланыш оператору “ЭлКат” ЖЧКсы мамлекеттин менчигине өттү. Бул тууралуу бүгүн, 4-июлда Башкы прокуратурасынан билдиришти.

Маалым болгондой, Башкы прокуратура тарабынан “ЭлКат” ЖЧКсын мамлекеттик менчикке кайтаруу боюнча тиешелүү чаралар көрүлдү.

Натыйжада сот тарабынан мурдагы соттук чечимдер жокко чыгарылып, мыйзамсыз жоготулган мамлекеттин мүлккө болгон укуктары калыбына келтирилди.

Кайтарылган мүлктүн базар баасы 5,8 миллиард сомду түзөт. Учурда “ЭлКат” ЖЧКсы кайрадан мамлекеттик менчикке өткөнү айтылды.