АКШда сел жүрүп, турак жайларды агызып кетти

АКШнын Нью-Мексико штатында катуу сел жүрүп, турак жайларды агызып кетти. Бул тууралуу чет элдик басылмалар жазышууда.

Маалыматка ылайык, каза болгон жана жаракат алгандар бар. Куткаруучулар суунун деңгээли тездик менен көтөрүлөрүн эскертишүүдө. Ал ортодо Руйдосо айылынын тургундары суунун агымы турак жайларды кантип агызып жатканы тартылган видеолор менен бөлүшүүдө.

Маалымат каражаттары Нью-Мексико штатында селдин кесепетинен бир киши жана эки бала каза болгонун кабарлаган. Ал аймакта өзгөчө кырдаал жарыяланды.