Таласта алдамчылыкка шектелген 19 жана 18 жаштагы уландар кармалышты

Таласта 19 жаша 18 жаштагы уландар алдамчылыкка шектелип кармалышты. Бул тууралуу облустук милиция билдирди.

Маалыматка ылайык, милицияга 36 жаштагы аял арыз менен кайрылган. Ал 27-апрелде саат 13:00 чамаларында үйүнө келген эки жаш бала уюлдук компаниялардын биринин SIM картасын сатышканын, аны каттоо учурунда 15 миң сом онлайн кредит алып, өздөрүнө которуп алышканын айткан.

Бул факт боюнча Кылмыш-жаза кодексинин 209-беренеси (Алдамчылык) кылмыш иши козголгон. Учурда тергөө иштери уланууда.