Индияда көпүрө урап, кеминде 8 адам каза болду (видеолор)

Индиянын Гуджарат штатындагы Махисагар дарыясынын үстүндөгү Гамбхира көпүрөсүнүн бир бөлүгү урап, кеминде сегиз киши каза болуп, он киши жаракат алды. Бул тууралуу чет элдик басылмалар жазышууда.

Маалыматтарга караганда, көпүрө кыйраган учурда төрт унаа, анын ичинде эки жүк ташуучу унаа бара жаткан. Унаалар дарыяга кулаган. Окуя болгон жерде куткаруучулар, полиция жана жергиликтүү бийлик өкүлдөрү куткаруу иштерин жүргүзүп жатышат.