Зеленский Орусия менен сүйлөшүүлөрдү улантуунун негизги шартын атады

Тараптар Стамбулдагы экинчи жолугушууда макулдашылган алмашууларды аягына чыгармайынча Украина, Орусия жана АКШнын ортосундагы толук кандуу сүйлөшүүлөр тууралуу сөз кылуу эрте. Бул тууралуу Украинанын президенти Владимир Зеленский Римдеги маалымат жыйынында билдирди.

"Эгер биз олуттуу жыйынтыкка жетишип, согушту токтоткубуз келсе, анда лидерлердин деңгээлиндеги жолугушууну даярдашыбыз керек. Биз лидерлердин деңгээлиндеги жолугушуунун каалаган форматына даярбыз. Албетте, лидерлердин деңгээлиндеги Украина, Орусия жана АКШнын жолугушу керектүү формат",- деген ал.

Ошондой эле лидерлердин деңгээлиндеги жолугушууну өткөрүү үчүн мүмкүн болуучу жерлер жөнүндө айтып жатып Зеленский Ватиканга жана Италия тарапка мындай жолугушууну Ватиканда өткөрүү сунушу үчүн ыраазычылыгын билдирди. Анын айтымында, Австрия, Швейцария жана Түркиядан да сунуштар бар.

"Биз тараптар экинчи жолугушууда макулдашкан жыйынтыкты аягына чыгарышыбыз керек. Тактап айтканда, Стамбулдагы экинчи жолугушууда макулдашылган пикир алмашуулар менен бүтүрүү керек. Ошондон кийин гана командалар кайрадан натыйжалуу вариантты талкуулай алышат - бул лидерлердин деңгээлиндеги жолугушууну даярдоо",- деп кошумчалады ал.

Эске салсак, 16-майда Стамбулда өткөн үч тараптуу жолугушуунун жыйынтыгында туткундарды "1000ге 1000" формуласы боюнча алмашуу келишими түзүлгөн.