Ошто боорукерликтин үлгүсүн көрсөткөн милиция кызматкери сыйланды (видео)

Кара-Кулжа районунда милиция кызматкери боорукерлик сезим менен башкаларга үлгү көрсөткөндүгү үчүн акимден сыйлык алды. Бул тууралуу Ош облустук ички иштер башкармалыгы билдирди.

Маалыматка ылайык, милициянын улук лейтенанты Суранбай Камилжан уулу Кара-Кулжа районунун акими Замирбек Сыдыковдун колунан Ыраазычылык кат алган.

"Ал 3 күн мурун, тагыраагы, 8-июлда майыптыгы бар жаранга жолду аркы бетине өтүшүнө жардам көрсөткөн. Бул учурду жергиликтүү тургундар видео тартып алышып, социалдык тармактарга жайгаштырган",- деп айтылат маалыматта.