Орусиянын жараны эки кичинекей баласы менен Индиядагы үңкүрдөн табылды

Красноярск шаарынын мурдагы тургуну эки кичинекей баласы менен Индиядагы үңкүрдөн табылды. Бул тууралуу PTI маалымат агенттиги билдирди.

Орусиялык аялдын аты Нина Кутина. Ал үңкүрдө 4 жана 6 жаштагы эки баласы менен дээрлик толук изоляцияда жашаган.

Маалым болгондой, Красноярск шаарынын тургуну Индияга бир нече жыл мурун ишкердик виза менен келген. Индуизмге жана индиялык рухий иш-аракеттерге берилген аял балдары менен токойлуу адырларга отурукташууну чечкен. Аял токой мөмөлөрүн жеген. Полиция анын балдары менен жапайы жаратылышта жүргөндө кантип тамактанганын иликтеп жатат.

Учурда бул үй-бүлө токойдон чыгарылып, убактылуу турак-жай менен камсыз болду. Алардын депортацияланышы күтүлүүдө. Орусиялык аялдын визасынын мөөнөтү 2017-жылы аяктаган.

Нина Кутина руханий практикага кызыгат. Ал Кудайдын, диндин, жашоонун келип чыгышы тууралуу ондогон видеолорду жана постторду жарыялаган. Аялдын акыркы посту 2020-жылдын август айында жазылган.