Ошто 394 эне “Баатыр эне” ордени, 205 эне “Эне даңкы” медалы менен сыйланышты

Бүгүн, 15-июль күнү президент Садыр Жапаровдун жарлыгы менен ыйгарылган “Баатыр эне” ордени жана “Эне даңкы” медалы менен сыйлоо аземи Ош облусунда салтанаттуу түрдө өткөрүлдү. Бул тууралуу президенттин Ош облусундагы ыйгарым укуктуу өкүлүнүн басма сөз кызматы билдирди.

Сыйлык тапшыруу аземине өкүлдүн орун басары Талантбек Арстанкулов катышып, облус жетекчилигинин атынан көп балалуу энелерди куттуктады. Ал энелердин коомдогу орду, үй-бүлө тарбиясындагы зор эмгеги жана балдарды адеп-ахлакка, билимге, ыйманга тарбиялоодогу үлгүлүү салымы үчүн ыраазычылык билдирди.

Жалпысынан Ош облусу боюнча 394 эне “Баатыр эне” ордени, ал эми 205 эне “Эне даңкы” медалы менен сыйланды.