Трамп Украинага Tomahawk ракеталарын жөнөтүүнү пландап жатканы айтылууда

АКШнын президенти Дональд Трамп Украинага Tomahawk ракетасын жөнөтүүнү пландап жатат. Бул тууралуу The Washington Post басылмасы жазып чыкты.

Июнь айында АКШ Ирандагы ядролук объекттерге Tomahawk ракеталарын колдонгон.

Маалым болгондой, 11-июлда Украинага Tomahawk ракеталарын жеткирүү мүмкүнчүлүгү талкууланган. Бул ракеталар азырынча жеткирүү тизмесине кирбесе да, Вашингтон аларды кийинчерээк Киевге жөнөтүшү мүмкүн экени айтылууда. Басылма ракеталардын учуу аралыктары Москвага менен Санкт-Петербургга сокку урууга жете турганын билдирди.

Tomahawk (BGM-109) — сууда, жерде, абада жана суу астында колдонулуучу узак аралыктагы ракеталар. Алар АКШнын курал-жарактарынын катарында 1983-жылдан бери бар. Tomahawk ракеталарынын бир нече модификациялары бар, учуу аралыгы 2500 чакырымга чейин жетет.