Пакистандагы кырдаалды баяндаган журналист интернет жылдызы болууда (видео)

Интернет желесинде Пакистанда суу ташкындан жапа чегип жаткан Пенджаб провинциясындагы абалды баяндаган журналисттин видеосу тароодо.

Бирок азырынча ал журналисттин аты-жөнү жана кайсы телеканалдын кабарчысы экени так эмес.

Чет элдик маалымат каражаттарынын билдирүүлөрүнө караганда, Пакистанда нөшөрлөп жааган жамгырдан улам келип чыккан суу ташкыны 117 адамдын өмүрүн алган. Жабыркагандардын саны 253кө жеткени айтылууда. Каза болгондордун жана жабыркагандардын көбү Пенджаб провинциясында.

Табигый кырсык жолдорго, көпүрөлөргө, имараттарга жана турак жайларга зыян келтирген.