Өзгөндөгү СЭСтин башкы дарыгери 300 миң сом пара берип жаткан жеринен кармалды

16-июлда Өзгөн райондор аралык ооруларды алдын алуу жана мамлекеттик санитардык-эпидемиологиялык көзөмөлдөө борборунун башкы дарыгери Б.Г. 300 миң сом өлчөмүндө пара берип жаткан жеринен кармалды. Бул тууралуу бүгүн, 21-июлда УКМК билдирди.

Маалым болгондой, Өзгөн - Кара-Кулжа райондор аралык ооруларды алдын алуу жана мамлекеттик санитардык-эпидемиологиялык көзөмөлдөө борборунун башкы дарыгери Б.Г. мыйзам бузууларды жашыруу жана кылмыш ишин козгоодон баш тартуу үчүн УКМКнын кызматкерине 100 миң сом пара сунуштаган. Баш тартуудан кийин ал акчаны 300 миң сомго чейин көбөйтүп, пара берүү аракетин уланта берген.

Тергөө уланууда.