УКМКнын көзгө атарлары Кытайда байгелүү орундарды алышты (видео)

Улуттук коопсуздук мамлекеттик комиетинин 9-кызматынын "Калкан" атайын багыттагы командасы “Sharp Blade-2025" снайперлеринин эл аралык мелдешине ийгиликтүү катышты. Бул тууралуу атайын кызматтан кабарлады.

Маалыматка ылайык, турнир 15-июлдан 18-июлга чейин Кытайдын Синьцзян-Уйгур автономиялуу районунун Үрүмчү шаарында өткөн. Мелдешке 25тен ашуун өлкөдөн 55тен ашуун снайпердик команда катышкан. Сынак төрт категория боюнча өткөн.

Натыйжада "Калкан" атайын багыттагы отряды өлкө намысын татыктуу коргоп, жалпы командалык эсепте 3-орунду, жуптук эсепте 2-орунду ээлесе, команданын катышуучуларынын бири жеке мелдеште 1-орунду алган.