Украина Орусия менен сүйлөшүүлөр үчүн Стамбулду тандады

Украина президенти Владимир Зеленский, Улуттук коопсуздук жана коргонуу кеңешинин катчысы Рустем Умеровдун Орусия менен Украина өкүлдөрүнүн Түркияда жаңы жолугушуусун сунуштаганын билдирди. Бул тууралуу ал X социалдык тармагында жазды.

Зеленский өз билдирүүсүндө 2022-жылдан бери уланган согуштан кийинки дипломатиялык аракеттер тууралуу айтып, өлкөнүн элчилери менен болгон жыйын жөнүндө маалымат берди.

Анын айтымында, Украина-Орусия сүйлөшүүлөрү жогорку деңгээлде – президенттер деңгээлинде гана натыйжалуу болот. Ошондой эле Умеров жетектеген украин делегациясы Түркияда дагы бир жолугушуу өткөрүүнү сунуш кылган.

Зеленский Киев үчүн негизги маселелер катары төмөнкүлөрдү атады:

• Согуш туткундарынын кайтарылышы,
• Орусия тарабынан уурдалып кеткен украин балдардын кайтарылышы,
• Мамлекет башчыларынын жолугушуусуна даярдык.

Украина бул сүйлөшүүлөрдүн жүрүшүндө Түркияны кайрадан ишенимдүү делегациялык аянтча катары көрүп жатканын көрсөткөн.