Бишкектин мэрине туугандары эмнеге таарынат? (видео)

Бүгүн, 23-июлда Бишкек шаарынын мэри Айбек Жунушалиев курулушу жүрүп жаткан жолдорго рейд өткөрүп жатып ар кандай иштерге уруксат бер деп келген туугандары ага таарынып жүргөндөрүн айтты.

"Сөз кезеги келгенде айтып коёюн. Туугандарым да келет. Ал жерди ижарага алайын жана башка деп. Бирок мен алсаң алдың албасаң жок деп коём. Бир күн келет ошондо мен "жок" дегенде жаманатты болом. Андан көрө башынан эле жаман боло берейин дейм. Бирөөнүн кызыкчылыгын чечип отурсам, маселе көбөйүп кетет",- деди Бишкектин мэри.