Израилдин парламенти Иордан дарыясынын батыш жээгин аннексиялоону колдоду

Израилдин Кнессетинин (парламентинин) депутаттары Иордан дарыясынын батыш жээгин аннексиялоо үчүн добуш беришти. Бул тууралуу Israel National News басылмасы жазып чыкты.

Басылма белгилегендей, бул аймактар еврей элинин тарыхый, маданий жана руханий мекенинин ажырагыс бөлүгү болуп саналат деп жазылган резолюцияга Кнессеттин депутаттарынын көпчүлүгү, тагыраагы, 71и добуш берген.

Белгилей кетсек, Иордан дарыясынын батыш жээги (анын ичинде Чыгыш Иерусалим) Бириккен Улуттар Уюмунун Коопсуздук кеңешинин 1947-жылдагы резолюциясына ылайык, Палестинанын бир бөлүгү болуп калышы керек болчу. Бирок 1947-1949-жылдардагы араб-израилдик согуш учурунда бул жерлер Иордания тарабынан басып алынган. 1967-жылы алты күндүк согуштун натыйжасында аймакты Израил көзөмөлгө алган.